Քսան եւ երկու տարի առաջ այս օրը՝ 1991թ. սեպտեմբերի 23-ին, Հայաստանի Հանրապետությունը վերահռչակվեց անկախ պետություն:
Հայաստանի` հազարամյակներ բոլորած պատմական երթում սա ոսկեզoծ տարեթիվ է եւ արժանահիշատակ իրադարձություն: Սա Ուրարտուից սկզբնավորված մեր թագավորությունների եւ 20-րդ դարում կերտված հանրապետությունների ժառանգորդ Հայաստանի արդի Հանրապետության ծնունդն է: Անկախության վերականգնումը հայության ներկա սերնդի կյանքում ամենամեծ ձեռքբերումն է, որը ենթակա չէ որեւէ նսեմացման կամ զիջման:
19 սեպտեմբերի 2013թ., Երեւան: ՐաֆֆիՀովհաննիսյանն այսօր հանդիպում ունեցավ Հայաստանում Շվեդիայի Թագավորության արտակարգ եւ լիազոր դեսպան Դիանա Յանսեի հետ:
Քննարկման ընթացքում պարոն Հովհաննիսյանն ու Նորին գերազանցության դեսպանը անդրադարձան մեր երկրի ներքին եւ արտաքին քաղաքականությանը, կարծիքներ փոխանակեցին տարածաշրջանային անվտանգությանն ու դրանում Եվրոպայի եւ Հայաստանի դիրքորոշումներին առնչվող խնդիրների շուրջ: Միաժամանակ արծարծվեց ԼՂՀ-ի անկախության եւ ինքնիշխանության օրակարգը:
9 սեպտեմբերի, 2013թ., Երեւան: «Ժառանգություն» կուսակցության գլխավոր քարտուղար Ստյոպա Սաֆարյանը Ուկրաինայի “Դեմոկրատական դաշինք” եւ “Բատկեւշչինա”, Մոլդովայի “Լիբերալ-դեմոկրատական”, Վրաստանի “Միացյալ ազգային շարժում” եւ Բելառուսի “Միացյալ քաղաքացիական” կուսակցությունների ներկայացուցիչների հետ սեպտեմբերի 2-5-ը Բրյուսելում հանդիպումներ է ունեցել ԵՄ եւ ԵԺԿ հաստատությունների ղեկավարության եւ պատասխանատուների հետ: Սեպտեմբերի 5-ին եւ 6-ին Սաֆարյանը որպես «Ժառանգության» պատվիրակ մասնակցել է ԵԺԿ քաղաքական վեհաժողովի աշխատանքներին:
5 սեպտեմբերի 2013թ., Երեւան: Այսօր Րաֆֆի Հովհաննիսյանը հանդիպում ունեցավ Միացյալ Նահանգների պետդեպարտամենտի Կովկասյան հարցերի եւ տարածաշրջանային հակամարտությունների գրասենյակի տնօրեն պարոն Ջոն Մարկ Պոմերշեյմի հետ:
Քննարկման ընթացքում հանգամանալից անդրադարձ եղավ Հայաստանի ներքին եւ արտաքին քաղաքականությանը, տարածաշրջանի անվտանգությանն ու դրանում ԱՄՆ-ի մոտեցումներին, ինչպես նաեւ ԼՂՀ-ի ինքնիշխանությանը վերաբերող մի շարք հարցերի:
