Մանրամասները

Հովհաննիսյանը մասնավորապես նշել է․ «Այսօրվա հիմնական պատասխանատվությունը այս ամբողջական զիջման համար ընկնում է այս իշխանակարգի վրա և դրա համար, մինչև որ իրենք հասնեն դրոշակին՝ մեր պետական, պետք է էապես փոխվի վիճակը, և իրենք էլ պետք է փոխվեն, որպեսզի Հայաստանը շունչի հնարավորություն ունենա։ Եվ բնավ զարմանալի չէ, որ Բեռլին լինի, թե Անթալիա, թե մեկ ուրիշ՝ երաշխավորված, համակշռված ձևաչափը դարձնում են երկկողմանի (և ոչ այնքան երկկողմանի, որովհետև  Թուրքիան էլ կա էնտեղ), և արդեն իրենք մտնում են նախապայմանների խորքերը՝ իբր թե պիտի առանց նախապայմանների բացեին սահմանները, չէ՞։ Ստացան՝ ինչ ուզում էին՝ «տարածքային առումով», բայց դրանից հետո հիմա մտնում են մեր հոգևոր դաշտ»։ Ավելի մանրամասն՝ տեսանյութում:

Մանրամասները

«Ժառանգություն» կուսակցություն

Մարտերկու, 1992 - մարտերկու, 2024… Պետականության երեսուներկու տարիներ, որոնց վերածնունդն ու վայրէջքը, սխրանքն ու սխալմունքը, մաքառումն ու մեղքը մեզ բերել են Հայոց հայրենիքի արդի պատմության ամենագոյութենական վճռորոշ ծայրակետին:

Մանրամասները

«Ժառանգություն» կուսակացության շնորհավորական ուղերձն Արցախի Հանրապետության ընտրված նախագահին

2020թ աշնանը հայկական զույգ պետությունները ցնցած աղետալի պատերազմի արդյունքում, ինչպես նաև ՀՀ իշխող վարչախմբի հանցավոր գործունեությամբ և անգործությամբ պայմանավորված ամբողջապես խարխլվեցին Հայաստանի և Արցախի անվտանգային համակարգերը, Արցախի Հանրապետության քաղաքացիները թողնվեցին Ադրբեջանի ցեղասպան քաղաքականության վտանգավոր թիրախում: Լիակատար շրջափակման մեջ գտնվող մեր հայրենակիցների անկոտրում կամքն ու պետական ինստիտուտների անխափանության սկզբունքի գիտակցումը հույսի շող են սպասվելիք դժվարությունների հորձանուտում:

Մանրամասները

ՀԱՅՈՑ ԱՐԴԻ ՊԵՏԱԿԱՆՈՒԹՅԱՆ ՀԱՆԳՈՒՑԱԼՈՒԾՈՒՄԸ՝ ՍԵՊՏԵՄԲԵՐԻ 2-Ի ՈՒ 21-Ի ԻՐԱՎՈՒՆՔՈՎ ՄԻԱՅՆ․ Րաֆֆի Հովհաննիսյան


Մեր վաղը լուծվում է այսօր. 32 տարի անց կրկնում եմ։

Միացյալ Արցախի օրինավոր ու իրավակարգ անջատումն անկախացող Խորհրդային Ադրբեջանից և Հայաստանի Հանրապետության ինքնիշխանության վերականգնման հանրաքվեն մեր ժամանակակից պետականության հիմնասյուներն են։

Համազգային-պետական այս դարակազմիկ հանգրվանը հաղթահարելու համար հենց դրանք են, որ մի քանի նմանների հանգույն արժանի են և ենթակա հրամայական հարգանքի, սիրո ու խոնարհման։

Արցախն էափոխման իր նախադեպ օրինակով ճանապարհ է նշմարում։ Սփյուռքը դեռ երկար կպայքարի բարի և հոռի օրինակների հետքերով։

Հերթը Հայաստանինն է, և հիմա։

Բոլորս միասին, որպեսզի Սեպտեմբերի 2-ը երբեք չդառնա Ապրիլքսանչորս, իսկ Սեպտեմբերի 21-ը՝ Դեկտեմբերերկու։

Շարժ արա, Երևան իսկական։

 

Րաֆֆի Կ. Հովհաննիսյան
2 սեպտեմբեր, 2023
Երևան-Բրյուսել

Մանրամասները

Խունկ ու աղոթք Ռիչարդ Հովհաննիսյանի մահվան 40-րդ օրվա առիթով

Օգոստոսի 20-ին Արարատյան Հայրապետական թեմի առաջնորդական փոխանորդ Գերաշնորհ Տեր Նավասարդ արքեպիսկոպոս Կճոյանի նախագահությամբ կատարվեց հոգեհանգստյան կարգ ի հիշատակ Ռիչարդ Հովհաննիսյանի մահվան 40-րդ օրվա։

Մանրամասները


Արցախի Հանրապետության
Ազգային ժողովի նախագահ
Դավիթ Իշխանյանին
Ստեփանակերտ
 

Հարգելի Ռահակից,

Շնորհավորում ենք ազգային-պետական ամբողջանվեր ծառայության Ձեր արդի հանգրվանը, զինակցում ենք և խորապես հավատում։

Վասն հայրենյայց՝ պարտավոր ենք շարունակել մեր դարավոր պայքարը՝ բոլորով հանդերձ և ի հեճուկս ամենի, ի կատա՛ր։
 

Րաֆֆի Կ․ Հովհաննիսյան
Արտաքին գործոց առաջին նախարար
«Ժառանգություն» կուսակցության հիմնադիր նախագահ
Երևան