Բաց նամակ ՀՀ վարչապետ Փաշինյանին
- Մանրամասները
Հարգելի պարոն վարչապե՛տ, ապրիլի 11-ին ելույթ ունենալով ԵԽԽՎ գարնանային նստաշրջանի լիագումար նիստում՝ Դուք հայտարարեցիք,որ Ձեր իշխանության օրոք Հայաստանի Հանրապետությունում ստեղծվել է 50 հազար աշխատատեղ։ Սա չափազանց պատասխանատու եւ մեր պետության ու քաղաքացու համար մեծ կարեւորություն ունեցող պնդում է, որից էապես կախված է հայրենի կառավարության սոցիալական քաղաքականության հանդեպ վստահության աստիճանը:
«Ժառանգություն» կուսակցությունը դարձավ Կենտրոնամետ Դեմոկրատների Միջազգային Միության դիտորդ անդամ
- Մանրամասները
15 ապրիլի 2019թ., Երեւան: «Ժառանգություն» կուսակցությունը, նպատակամետ պաշտպանելու Հայաստանի Հանրապետության քաղաքացու շահը, շարունակում է իր գործունեությունը թե՛ ներքին, թե՛ արտաքին քաղաքական ասպարեզներում: Ստանալով պաշտոնական հաստատումը՝ ուրախ ենք հայտնելու, որ 2019թ. ապրիլի 10-ի Բրյուսելում կայացած Կենտրոնամետ Դեմոկրատների Միջազգային Միության (CDI-Centrist Democrat International) վեհաժողովում «Ժառանգություն» կուսակցությունը ստացել է դիտորդ անդամի կարգավիճակ:
«Ժառանգություն» կուսակցության հայտարարություն
- Մանրամասները
«Ժառանգություն» կուսակցությունը մարտի 31-ին կայացած իր 12-րդ համագումարի բանաձեւում ամրակայեց հետհեղափոխական Հայաստանում հաստատվող միակուսակցական իշխանության եւ կառավարման համակարգի ճգնաժամի տագնապահարույց դրսեւորումները: Վարչապետ Նիկոլ Փաշինյանի եւ նրա ղեկավարած իշխող «Իմ քայլը» դաշինքի վերջին ամիսների գործունեությունն ի ցույց են դնում ՀՀ գործադիր, օրենսդիր եւ դատական իշխանությունների քայլերի հակասականությունն ու անհետեւողականությունը, որի հետեւանքով ներքին եւ արտաքին քաղաքականության մեջ նկատվում է տեղապտույտ:
«Ժառանգություն» կուսակցության տասներկուերորդ համագումարը
- Մանրամասները
31 մարտի 2019թ., Երեւան: Երեւանի պետական Կամերային թատրոնի շենքում այսօր տեղի ունեցավ «Ժառանգություն» կուսակցության հերթական՝ 12-րդ համագումարը: Մասնակցում էին 112 պատվիրակներ, որոնց քվեարկությամբ էլ հաստատվեցին համագումարի օրակարգը, քարտուղարությունը եւ հաշվիչ հանձնաժողովը:
«Ժառանգությունը» հյուրընկալեց Կոլումբիայի նախկին նախագահին, ԵԺԿ գլխավոր քարտուղարին
- Մանրամասները
2 մարտի 2019թ., Երեւան: Այսօր «Ժառանգության» կենտրոնական գրասենյակում Րաֆֆի Հովհաննիսյանը, միջազգային հարցերով քարտուղար Անդրանիկ Գրիգորյանը, կուսակցության անդամ Հովսեփ Խուրշուդյանը հանդիպում ունեցան աշխատանքային այցով Հայաստանում գտնվող՝ Կենտրոնամետ Դեմոկրատների Միջազգային Միության (ԿԴՄՄ) նախագահ, Կոլումբիայի նախկին նախագահ Անդրես Պաստրանայի, Եվրոպական ժողովրդական կուսակցության (ԵԺԿ) գլխավոր քարտուղար Անտոնիո Լոպեզ-Իստուրիսի Ուայթի եւ նրանց ուղեկցող՝ կառույցի քարտուղար Սեզար Ռոսելլոյի հետ:
«Ժառանգությունը» հրավիրում է իր 12-րդ համագումարը
- Մանրամասները
20 փետրվարի 2019թ., Երեւան: Փետրվարի 19-ի իր նիստում «Ժառանգության» վարչությունը որոշում է ընդունել կուսակցության հերթական համագումարն անցկացնել մարտի 31-ին, Երեւանում:
«Ժառանգություն» կուսակցության հիմնադրման օրվանից՝ 2002 թվականից, լինելով թվով 12-րդը, համագումարը կհամախմբի Հայաստանի բոլոր ծայրերից ժամանած պատվիրակներին ու հյուրերին՝ քննարկելու հանրապետության եւ հայ ժողովրդի առջեւ ծառացած ներքին ու արտաքին մարտահրավերները:
Կուսակցության գործուն անդամների ներկայիս հավաքում, որը բաց է քաղաքական, հասարակական բոլոր շահագրգիռ ուժերի ու հանրության համար, կլսվեն հրատապ զեկույցներ տեղի ունեցող վերջին զարգացումների մասին, կընտրվի վարչության նոր կազմ եւ կհրապարակվի երկրի արդի իրավիճակից բխող՝ «Ժառանգության» բանաձեւը:
