ՌԻՉԱՐԴ ՀՈՎՀԱՆՆԻՍՅԱՆԻ ՔԱՌԱՍՆՕՐԵՔԻ ՀՈԳԵՀԱՆԳԻՍՏԸ՝ ՕԳՈՍՏՈՍԻ 20-ԻՆ
- Մանրամասները
Հանուն Ռիչարդ եւ Վարդիթեր Հովհաննիսյանների գերդաստանի՝ մեր սրտանց շնորհակալությունն եմ հայտնում բոլոր նրանց, ովքեր այս դժվարին շաբաթների ընթացքում ոգու ուժ, մաքուր խիղճ ու ճշմարիտ ուղի գտան անկեղծորեն կիսվելու Հայրիկի կյանքին ու կորստյանը նվիրված ցավակցական խոսք ու գիրով։
Ամենայն Հայոց Կաթողիկոսից ու Մեծի տանն Կիլիկիո վեհապետից մինչեւ Հայաստանի Հանրապետության երկու նախկին նախագահ եւ արտգործնախարար, մեկ նախկին վարչապետ և պաշտպանության նախարար, պատգամավորներ, համայնքապետեր և Սփյուռքի հանձնակատար, ինչպեսեւ Արցախի մեկ նախկին նախագահ եւ գործող արտգործնախարար, դեսպաններ և դիվանագետներ, Գիտությունների ազգային ակադեմիայի նախագահից, հայաստանյան ու սփյուռքահայ հարյուրավոր հաստատությունների ղեկավարներից ու մտավորականներից մինչեւ հազարավոր շարքային քաղաքացիներ, աշխարհասփյուռ հայրենակիցներ՝ խորապես երախտապարտ ենք Ձեր զորակցության արտահայտությունների համար։
Հայրիկի՝ Հայաստանի Հանրապետության ակադեմիկոս, Կալիֆորնիայի պետական համալսարանի Արդի հայոց պատմության ամբիոնի հիմնադիր վարիչ, պրոֆեսոր Ռիչարդ Հովհաննիսյանի քառասնօրեքի հոգեհանգստյան կարգը կկատարվի կիրակի՝ օգոստոսի 20-ին, ժամը 13։00-ին՝ հավարտ Սբ․ Պատարագի, Երեւանի Սբ. Սարգիս առաջնորդանիստ եկեղեցում։
Վասն հավատո եւ հայրենյաց՝ նրա ողջ կյանքով կերտած՝ ազգային եւ համամարդկային կենդանի ժառանգությունը հարգողները սիրով հրավիրվում են։
Րաֆֆի Կ. Հովհաննիսյան
1 օգոստոսի 2023
Երեւան
ԼուրջCast - Րաֆֆի Հովհաննիսյան - Արցախի, Ալմաթիի հռչակագրի, բանակցային սխալների և անելիքների մասին
- Մանրամասները
«ԺԱՌԱՆԳՈՒԹՅՈՒՆԸ» ՄԻԱՆՈՒՄ Է ԺՈՂՈՎՐԴԱԿԱՆ ՇԱՐԺՄԱՆԸ
- Մանրամասները
«Ժառանգություն» կուսակցությունը՝ որպես հայ ժողովրդի հավատարիմ մասնիկ, որոշել է քաղաքացիական և կամավորական ամենօրյա գործունեությունից զատ, իր համար բացառիկ՝ կուսակցական-հրապարակային հայտարարությամբ ողջունել Արցախի Հանրապետության մայրաքաղաքում մեկնարկած համաժողովրդական շարժումը։
«Ժառանգությունը» ընդունում է շարժման էությունն ու բովանդակությունը, ժամանակի ընտրությունն ու ընթացակարգի հրամայականը և իր ողջ կարողականությունը՝ քաղաքական, դիվանագիտական, տեղեկատվական, վերլուծական և մարդկային, ի սպաս է դնում այսօր Ստեփանակերտի Վերածննդի հրապարակում բացված համազգային գործընթացին։
«Ժառանգությունը» միանում է։
«Ժառանգություն» կուսակցություն
Րաֆֆի Կ․Հովհաննիսյան
կուսակցության հիմնադիր նախագահ
Անդրանիկ Գրիգորյան
կուսակցության վարչության նախագահ
14 հուլիսի 2023
Երևան
ՄԱՀԱՑԵԼ Է ՐԱՖՖԻ ՀՈՎՀԱՆՆԻՍՅԱՆԻ ՀԱՅՐԸ՝ ՌԻՉԱՐԴ ՀՈՎՀԱՆՆԻՍՅԱՆԸ
- Մանրամասները
ՊՐՈՖԵՍՈՐ ՌԻՉԱՐԴ Գ․ ՀՈՎՀԱՆՆԻՍՅԱՆ
11 հուլիսի 2023թ.։ Երեկ՝ հուլիսի 10-ին, ԱՄՆ-ի Լոս Անջելես քաղաքում 90 տարեկան հասակում կյանքից հեռացավ աշխարհահռչակ գիտնական, Հայաստանի ազգային ակադեմիայի ակադեմիկոս, Կալիֆորնիայի պետական համալսարանի Արդի հայոց պատմության ամբիոնի հիմնադիր ու առաջին վարիչ, «Հայաստանի Հանրապետություն» կոթողային քառահատոր աշխատության եւ Հայոց ցեղասպանության ու պատմական հայրենիքի վերաբերյալ բազմաթիվ գրքերի հեղինակ Ռիչարդ Գ․ Հովհաննիսյանը։
ԻԼՀԱՄԸ, ՆԻԿՈԼԸ ԵՒ ՄԵՐ ՉՈՐՍ ՀԵՐՈՍՆԵՐԸ․ Րաֆֆի Հովհաննիսյան
- Մանրամասները
Եվ դարձյալ արտահերթ ու ակամա մարտիրոսված մեր չորս ոսկետղերքն էին Իլհամի և Նիկոլի պայմանավորված քաղաքականության թիրախում։
Անհուն կսկիծով կիսում եմ Արմոյի, Սամվելի, Երվանդի և Գագիկի ընտանիքների ու ծառայակից ընկերների անասելի վիշտը։ Նրանց կենդանի հիշատակը մեզ՝ ժառանգորդիներիս, թող լույս-ճշմարտություն բերի, իմաստնություն ու կամք, հատուցում և ողնաշարի ուղղում։
Նախկինները թույլ տվեցին «ծակ Նիկոլի» գոյության հնարավորությունն ու Ադրբեջանի հզորացումը. Րաֆֆի Հովհաննիսյան
- Մանրամասները
Ես անուններով և մակդիրներով քիչ եմ խոսում, բայց պետք է սկսեմ երկու բառով՝ «ծակ Նիկոլ», Միլան Կունդերան չեխ-ֆրանսիացի գրող է, ով խոսեց հիշողության ծակի մասին։ Ինչպես դաժան մարդիկ, ոճրագործները բացում են հիշողության ծակը և խցկում են իրենց մեղքերն այդ ծակի մեջ։ Ցավոք, ամեն անգամ այդ մարդը, ում անունն արդեն տվեցի, երբ բացում է բերանը արտաքին կամ ներքին լսարանի առջև, խցկում է այդ ծակի մեջ հայոց պատմությունը, քաղաքակրթությունը, շահը և, ամենակարևորը, իրավունքը։ Սկզբում մտածում էինք, որ դա անփորձություն է, անմեղսունակություն, երբ ընդդիմադիր էր, ինչ-որ իշխանությունը փոխելու պայքարի մաս էր կազմում, սակայն հիմա հասկանում եմ, որ սա կանխամտածված է և ծրագրի մաս է կազմում։ Երբ Նիկոլ Փաշինյանը՝ «ծակ Նիկոլը», նստում ու ժամերով խոսում է և բացում է այդ ծակը, այնտեղ գիտակցաբար խցկում է Հայաստանի տարածքային ամբողջականությունը, ինքնիշխանությունը, շահերը, իրավունքները, և դա վերաբերում է Հայաստանին, Արցախին, սփյուռքին և մեր միասնությանը:
