Ծանուցում
«Ժառանգություն» կուսակցության 14-րդ համագումար
2026թ. ապրիլի 4-ին, ժամը 12:00-ին
AGBU/ՀԲԸՄ դահլիճ
Մելիք-Ադամյան 2/2
Երեւան
Մուտքն ազատ է
Այս իշխանությունը մեղսակից ու մասնակից է հայ ժողովրդի թշնամիների գործունեությանը․ Րաֆֆի Հովհաննիսյան
- Մանրամասները
«Խոսքերը գրեթե անզոր են, և շատ դժվար է մտնել լուրջ քաղաքական ու դիվանագիտական վերլուծության մեջ, երբ դիմացինը ճշմարիտ խոսույթի մեջ չէ, անկեղծ չէ ինքն իր և հայ ժողովրդի, ՀՀ քաղաքացիների հետ։ Իհարկե, քաղաքականությունն ու դիվանագիտությունը պետք է հավասարակշռված լինեն, այն կարող է անվանվել փոխլրացնող կամ այլ կերպ, բայց բալանսավորված արտաքին քաղաքականությունը սրանց դեպքում ծխածածկույթ է՝ արդարացում գտնելու, լեգիտիմացնելու իրենց արածը, մեղքերը, սխալները։ Դա ինքնիշխանության կորուստն է, տարածքային ամբողջականության խախտումը, Արցախի՝ թեկուզև ժամանակավոր կորուստը»,- 168TV-ի «#ՕրաԽնդիր» հաղորդման ժամանակ նման կարծիք հայտնեց ՀՀ արտաքին գործերի առաջին նախարար Րաֆֆի Հովհաննիսյանը:
ԲՈՒՆ ՊԱՏԱՍԽԱՆԸ ՄԵԿՆ Է. Րաֆֆի Հովհաննիսյան
- Մանրամասները
Ռիչարդ Հովհաննիսյանը և իր սերնդակիցները կյանք տվեցին, որ ամեն մեկս՝ հայ, թե օտար, իմանա Ճշմարտությունը՝ իր բոլոր երեսներով ու երանգներով։
Հայաստանը չունի ղեկավարություն, որը ներկայացնում է իր շահերը և իրավունքները․ Րաֆֆի Հովհաննիսյան
- Մանրամասները
«Ես նախաձեռնել եմ փորձեր՝ ի մի բերելու հավաքական պատասխանատվության ներքո մի այլընտրանք, որը հիմնված չէ մի փրկչի վրա, ներառական է՝ թե՛ մասնագիտական, թե քաղաքական, թե գաղափարախոսական առումներով․․․ Մեզ պետք են անհատներ, որոնք ենթակա են հավաքական պատասխանատվության, և առաջին հերթին՝ ժողովրդի վերահսկողության։ Մենք մինչև հիմա այդ բանաձևը չենք գտել, բայց դա պիտի անենք շատ շուտ՝ լինի ընտրական, թե ընտրությունից դուրս, հերթական, արտահերթ՝ կարևոր չէ։ Մենք պիտի ներքուստ փոխվենք, այդ փոփոխությունը լինի յուրաքանչյուր անհատի, քաղաքական ուժի, քաղաքացիական վերաբերմունքի մեջ»,- հարցազրույցում նշել է Րաֆֆի Հովհաննիսյանը։
«Ժառանգությունը» մասնակցեց ԵԺԿ քաղաքական վեհաժողովի նիստին
- Մանրամասները
Եվրոպական ժողովրդական կուսակցության քաղաքական վեհաժողով:
Մալթա, 22 նոյեմբերի 2024թ.:
ԱՌ ՈՉԻՆՉ․ Րաֆֆի Հովհաննիսյան
- Մանրամասները
Խոսքախաղով՝ «պրիմիտիվ», արարքով՝ անպատկան և ժառանգությամբ անարժան՝ առ ոչինչ ես։
Ամբողջովին ու անվանական՝ և ուրիշ ոչինչ։
Հայրենիքը, պետությունը, ժողովուրդը և համակ մարդկությունը դարակազմիկ «հայտնությունդ» հետգրությամբ կգրանցեն և կանցնեն առաջ։
Մնաս բարյավ։
Րաֆֆի Կ․ Հովհաննիսյան
20 նոյեմբերի 2024
Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ. Րաֆֆի Հովհաննիսյան
- Մանրամասները
Քո վերահռչակման փաստը՝ 33 տարի առաջ, թող շնորհավորանք լինի այսօր և անգին, սթափեցնող պատվիրան։
Դրսից և, մանավանդ, ներսից Քեզ իրապես կործանողները, պարտության մատնողները, ծնկի բերողները, շահավաճառները նույնիսկ ա՛յս օրը բարբաջում են պետականությունից, ինքնիշխանությունից, դրանց իրականությունից ու կորստյան վտանգից։
Բայց օտարն ու բոլոր իմաստներով օտար դարձածը չէ, որ այլևս պետք է սահմանի Քեզ ու Քո իրավունքը, ամբողջականությունը և դրանց «լեգիտիմությունը»։
Դա միայն մենք ենք՝ հավաքաբար, ովքեր ամենօրյա պայքարով, անմնացորդ ջանադրությամբ, հոգով ու հրապարակով, ինքնապաշտպանությամբ և, վերջապես, քվեախցիկով պիտի նորովի կերտեն Քեզ՝ անանձնական, ամենապատկան Հայաստանի Հանրապետությունը։
Պարույր Սևակի «հինգերորդ եղանակը» նաև ու, առաջին հերթին, Քո՛ մասին է։
Բարո՛վ եկար, ուժո՛վ արի։
Րաֆֆի Կ. Հովհաննիսյան
23 սեպտեմբերի 2024
Երևան
