Երեւան: Այսօր «Ժառանգության» նախընտրական ցուցակի ներկայացուցիչները, Րաֆֆի Հովհաննիսյանի առաջնորդությամբ եւ «Ժառանգություն» ու «Ազատ դեմոկրատներ» կուսակցությունների ղեկավարների, ԱԺ պատգամավորների, պատգամավորության թեկնածուների մասնակցությամբ նախընտրական հանդիպումներ ունեցան Արագածոտնի եւ Շիրակի մարզերում:
Ընտրությունների վերահսկման միասնական շտաբին «Ժառանգության» միանալ-չմիանալու հարցը որոշ շրջանակներում շարունակում է մտացածին շահարկումների եւ տարբեր քաղաքական գործիչների տարատեսակ մասնավոր զրույցների նենգափոխման եւ դրա հիման վրա արված մեկնաբանությունների առիթ տալ, ինչը մենք համարում ենք «Ժառանգությանը» անպտուղ խոսակցությունների հորձանուտը ներքաշելու փորձ:
Երևան: «Ժառանգության» նախընտրական ցուցակի ներկայացուցիչների մարզային այցերը շարունակվում են: Այսօր Վայոց ձորի մարզում ընտրողների հետ արդեն իսկ հանդիպումներ են կայացել Եղեգնաձորում, Մալիշկայում, Վայքում, Ջերմուկում: Րաֆֆի Հովհաննիսյանի գլխավորած պատվիրակությունը, որի կազմում են «Ժառանգություն» և «Ազատ դեմոկրատներ» կուսակցությունների, ինչպես նաեւ հանրային սեկտորի ներկայացուցիչներ՝ «Ժառանգութան» շտաբի պետ, «Ազատ դեմոկրատներ» կուսակցության ղեկավար Խաչատուր Քոքոբելյանը, ԱԺ պատգամավոր Զարուհի Փոստանջյանը, ԱԺ նախկին փոխխոսնակ, նախկին քաղբանտարկյալ Կարապետ Ռուբինյանը, «Ժառանգություն» կուսակցության փոխնախագահ Ռուբեն Հակոբյանը և թիմի այլ անդամներ, հանդիպում է նախատեսել նաև Սիսիանում և Շինուհայրում:
Երեւան: Այսօր «Ժառանգության» առաջնորդ Րաֆֆի Կ. Հովհաննիսյանը Հայաստանում Գերմանիայի դաշնային հանրապետության (ԳԴՀ) դեսպան Հանս-Յոխեն Շմիդթի հրավերով հանդիպեց ԳԴՀ արտաքին գործերի նախարար տկն Կոռնելիա Պիեպերին: ԳԴՀ դեսպանատանը տեղի ունեցած հանդիպման ընթացքում զրուցակիցները քննարկեցին Հայաստանի առջեւ ծառացած ժողովրդավարության մարտահրավերներին, եվրոպական ձգտումներին եւ աշխարհաքաղաքական խնդիրների առավել լայն շրջանակին առնչվող հարցեր:
Երեւան: Երեկ ուշ երեկոյան ավարտվեց «Ժառանգության» ցուցակի մաս կազմող կուսակցությունների եւ քաղաքացիական հասարակության ներկայացուցիչների այցելությունները Արմավիրի մարզի Արշալույս, Քարակերտ, Դալարիկ, Մյասնիկյան, Հոկտեմբեր, Նոր Արմավիր, Արմավիր, Մեծամոր, Էջմիածին բնակավայրեր, ուր տեղի ունեցան հանդիպումներ ընտրողների հետ:
