Րաֆֆի Հովհաննիսյանի նախընտրական հանդիպումները Տավուշի մարզում
- Մանրամասները
Երեւան: ՀՀ նախագահի թեկնածու Րաֆֆի Հովհաննիսյանն այսօր Տավուշի մարզում էր եւ իր նախընտրական քարոզարշավը սկսեց Դիլիջան քաղաքից, որտեղ նրան հոծ բազմություն էր սպասում: Հովհաննիսյանն ընտրողներին ներկայացրեց իր ծրագրային հիմնադրույթները՝ ընդգծելով ժողովրդի սոցիալական վիճակը շեշտակիորեն բարելավելու հրամայականը: «Մենք բազմիցս շեշտել ենք, որ բոլոր հնարավորություններն առկա են նոր նախագահության առաջին իսկ տարում բյուջե վերադարձնել 300 մլրդ դրամ, ինչը թույլ կտա 50 տոկոսով բարձրացնել կենսաթոշակները, էապես մեծացնել գիտության ու կրթության, առողջապահության եւ պաշտպանության ֆինանսավորումը»,- նշեց նա:
Րաֆֆի Հովհաննիսյան. «Մեկընդմիշտ կփակենք Աղետի գոտու հարցը»
- Մանրամասները
Երեւան: Այսօր ՀՀ նախագահի թեկնածու Րաֆֆի Հովհաննիսյանն իր նախընտրական քարոզչության շրջանակներում այցելեց Շիրակի մարզի Սարատակ, Անուշավան, Գետափ, Ձորակապ, Մարալիկ, Հոռոմ, Վարդաքար, Փանիկ, Ազատան, Աշոցք, Ախուրյան գյուղական բնակավայրերը, Արթիկ ու Գյումրի քաղաքները:
Րաֆֆի Հովհաննիսյանը Գեղարքունիքում սպասված հյուր էր
- Մանրամասները
Երեւան: ՀՀ նախագահի թեկնածու Րաֆֆի Հովհաննիսյանի քարոզարշավի երթուղին այսօր Գեղարքունիքի մարզն էր: Վարդենիսի կենտրոնում հավաքվածները ջերմորեն դիմավորեցին թեկնածուին, իրենց գոհունակությունը հայտնելով նրան՝ մարդկանց հետ անմիջական ու անբռնազբոս շփման մեջ մտնելու, տեղերում հասունացած խնդիրները բարձրաձայնելու եւ արդյունավետ լուծումներ առաջարկելու համար:
Րաֆֆի Հովհաննիսյանի քարոզարշավը Կոտայքում շարունակվում է
- Մանրամասները
Երեւան: Առավոտյան տված մամլո ասուլիսից անմիջապես հետո ՀՀ նախագահի թեկնածու Րաֆֆի Հովհաննիսյանն այցելեց Կոտայքի մարզի Պռոշյան գյուղ, ուր հանդիպում ունեցավ ընտրողների հետ: Կարճ ելույթի ավարտին Հովհաննիսյանը, հանձին պռոշյանցի փառապանծ ազատամարտիկ եւ հրամանատար Կարոտի, հարգանքի տուրք մատուցեց բոլոր զոհված ազատամարտիկների հիշատակին՝ ծաղիկներ դնելով նրանց հուշարձանին:
Րաֆֆի Հովհաննիսյանի պաշտոնական այցը Լեռնային Ղարաբաղի Հանրապետություն
- Մանրամասները
Երեւան: Այսօր Արցախյան շարժման 25-ամյակի առիթով Րաֆֆի Հովհաննիսյանը պաշտոնական այցով եղավ Լեռնային Ղարաբաղի Հանրապետությունում, ուր հանդիպեց ԼՂՀ նախագահ Բակո Սահակյանին` նախագահական նստավայրում: Նա շնորհավորեց նախագահին այդ կարեւոր տարեդարձի կապակցությամբ եւ իր հարգանքի տուրքը մատուցեց անկախ Արցախը կերտած բոլոր քաղաքացիներին եւ զինվորներին: Հովհաննիսյանը հույս հայտնեց, որ բոլորս գտնվում ենք Լեռնային Ղարաբաղի Հանրապետության ճանաչման նախաշեմին: Րաֆֆի Հովհաննիսյանը եւ Բակո Սահակյանը քննարկեցին ռազմավարական եւ դիվանագիտական նշանակություն ունեցող հրատապ հարցեր:
Րաֆֆի Հովհաննիսյանի հպանցիկ հանդիպումները Արցախի ճանապարհին
- Մանրամասները
Երեւան: Այսօր նախընտրական քարոզչության շրջանակից դուրս Րաֆֆի Հովհաննիսյանը պաշտոնական այցով մեկնեց Լեռնային Ղարաբաղի Հանրապետություն՝ Արցախի ճանաչման վերաբերյալ իր ծրագրային դրույթն իրագործելուց առաջ հանդիպելու ԼՂՀ նախագահ Բակո Սահակյանին, ինչպես նաեւ այցելելու Արցախի պաշտպանական բանակի զորամասեր:
