Հայաստանի հիբրիդային քաղաքական գործիչը. հայացք Րաֆֆի Հովհաննիսյանին՝ ԱՄՆ դեսպանատան հեռագրերի միջոցով
- Մանրամասները
Նանուր Բարսումյան
21.03.2013
WikiLeaks կայքի կողմից գաղտնազերծված՝ ԱՄՆ դեսպանատան հեռագրերն անգնահատելի տեղեկատվություն եւ պատկերացում են տալիս առ այն, թե ինչպես են ամերիկյան դիվանագետները գնահատում Հայաստանի քաղաքականության ներքին խոհանոցն ընդհանուր առմամբ եւ հիմնական խաղացողներին, ինչպիսին Րաֆֆի Հովհաննիսյանն է, մասնավորապես: Դեսպանատան պաշտոնյաները, երկրի ամենօրյա քաղաքականությունը ներընկալելուն զուգահեռ, բազմիցս բարձրաձայնել են իրենց համաձայնությունը երկրի քաղաքական լանդշաֆտի վերաբերյալ Հովհաննիսյանի գնահատականին: Նրանք շատ անգամ դիտարկել են նրան՝ խորհրդարանում հաճախ միակ ընդդիմադիր խմբակցության առաջնորդին, իբրեւ տարբերվող խառնվածք ունեցող քաղաքական գործչի, ով բացառություն էր «ընդդիմադիր» քաղաքական գործիչների շրջանում: Այնուհանդերձ, ընդհանուր առմամբ բացասաբար էին վերաբերվում նրա արտաքին քաղաքական տեսակետներին՝ այդ ամենը վերագրելով վերջինիս սփյուռքյան արմատներին:
Ազատության հրապարակում ուշադրության կենտրոնում էին հայ երիտասարդները
- Մանրամասները
27 մարտի 2013թ., Երեւան: Այսօր՝ իր հացադուլի տասնութերորդ օրը, ավելի քան երբեւէ ուժեղ եւ առողջ Րաֆֆի Կ. Հովհաննիսյանը կեսօրին տվեց մամլո ասուլիս, իսկ երեկոյան մասնակցեց Ազատության հրապարակում ընթացող քաղաքացիական քննարկումներին:
Քաղաքացիական խորհուրդներ եւ ֆուտբոլ Ազատության հրապարակում
- Մանրամասները
26 մարտի 2013թ., Երեւան: Այսօր՝ իր հացադուլի տասնյոթերորդ օրը, Ազատության հրապարակում Րաֆֆի Հովհաննիսյանը նախագահեց քաղաքական գործիչների, մտավորականների եւ ակտիվիստների շարունակական երկխոսության հարթակ դարձած քաղաքացիական խորհուրդների շարքի հերթական հանդիպումը: Ելույթներով հանդես եկան Պետրոս Մակեյանը եւ Մանուել Գասպարյանը, որոնց գլխավորած «Ժողովրդավարական հայրենիք» եւ «Ժողովրդավարական ուղի» կուսակցությունները միացել են պատմական «Բարեւ, Երեւան» դաշինքին, որը մասնակցելու է մայիսի 5-ին կայանալիք Երեւանի ավագանու ընտրություններին:
Քաղաքացիական խորհուրդները թեժացնում են Ազատության հրապարակի քննարկումները
- Մանրամասները
25 մարտի 2013թ., Երեւան: Արդեն տասնվեցերորդ օրն է՝ Ազատության հրապարակում շարունակվում է Րաֆֆի Կ. Հովհաննիսյանի հացադուլը: Այսօր այստեղ՝ մայրաքաղաքի սրտում, տեղի ունեցավ «Բարեւահեղափոխություն» շարժման քաղաքացիական խորհուրդների հերթական հանդիպումը, որին մասնակցում էին բազում ակտիվիստներ: Այսօրվա խորհրդի հիմնական բանախոսը «Ժառանգություն» կուսակցության միջազգային քարտուղար Ստեփան Սաֆարյանն էր, ում ավելի ուշ միացավ «Նախախորհրդարան» նախաձեռնության անդամ, մտավորական Վարդան Հակոբյանը: Քննարկումը վարում էր Լեւոն Բաղրամյանը:
Ոտնձգություն Րաֆֆի Հովհաննիսյանի կյանքի նկատմամբ
- Մանրամասները
25 մարտի 2013թ., Երեւան: Շաբաթ օրը՝ մարտի 23-ին, ժամը 18:00-ին, անհայտ մի տղամարդ՝ մուտք գործելով Ազատության հրապարակ, գոռում-գոչյունով կատաղի կերպով ճեղքեց հավաքված բազմության շարքերը եւ ուղղվեց դեպի հարթակ, ուր Րաֆֆի Կ. Հովհաննիսյանը մասնակցում էր «Բարեւահեղափոխություն» շարժման ամենշաբաթյա համերգին: Թիրախին մոտենալու պահին շուրջ քսան ոստիկաններ, ում հանձնարարված էր հրապարակում կարգուկանոն ապահովել, անգործություն դրսեւորեցին մինչ այն պահը, երբ քաղաքացիներն իրենք շրջափակեցին Հովհաննիսյանից տասը մետր հեռավորության վրա գտնվող հավանական մարդասպանին: Միջադեպից մոտ մեկ ժամ առաջ այդ նույն ոստիկանները բավական արդյունավետ կերպով կենդանի պատ ստեղծեցին Հովհաննիսյանի ռահակիցների եւ փոքր խոտածածկ տարածքի միջեւ, որտեղ տարեց մի ազատամարտիկ արվեստագետ լարախաղացի վրա փոքր ակրոբատիկ ներկայացում էր ուզում ցուցադրել:
