Եվ այսպես, Հայաստանը դատարկող վարչակարգը, մեր լռելյայն թողտվությամբ, հասավ իր ուզածին՝ այսօրվանից էլեկտրաէներգիայի սակագինը բարձրանում է եւս 10 տոկոսով կամ ընդամենը մեկ տարվա ընթացքում թանկացումը կազմում է շուրջ 40 տոկոս: Հայաստանի ազգային հարստությունը կողոպտելու, ինքնիշխանությունը փոշիացնելու եւ համազգային պայքարով ազատագրված Արցախը մանրադրամի վերածելու դիմաց օտարի շահերին համահունչ գործող ժամիշխանությունը այդպես էլ չանսաց էլեկտրաէներգիայի թանկացումը հետաձգելու եւ խնդիրն ավելի խորն ուսումնասիրելու՝ ժողովրդի ներկայացուցիչների հորդորներին:

Մամուլի տեղեկացմամբ՝ կտրուկ վատացել է «Մոտրոսկայա տիշինա» կալանավայրում գտնվող հայ գործարար եւ հասարակական գործիչ Լեւոն Հայրապետյանի առողջական վիճակը: Մարդ, ով միշտ կանգնած է եղել Արցախի Հանրապեության պետականաշինության ակունքներում եւ մինչ օրս իր ազգանվեր գործունեությամբ նպաստում է հայության առջեւ ծառացած լրջագույն մարտահրավերների հաղթահարմանը:

Արցախյան պատերազմի մասնակից, գնդապետ Վոլոդյա Ավետիսյանին 6 տարվա ազատազրկման դատապարտելը «Ժառանգություն» կուսակցությունը գնահատում է որպես «վերեւից» իջեցված քաղաքական պատվերի շրջանակում հայրենի դատարանի իրականացրած հերթական հաշվեհարդար, որն ուղղված է արդարացի բողոքի գործողության եւ ազատ կամարտահայտության ժողովրդավարական սկզբունքի կոպիտ ոտնահարմանը:

17 հուլիսի 2014թ., Երեւան: Այսօր «Ժառանգության» գրասենյակում կուսակցության փոխնախագահ Արմեն Մարտիրոսյանը, արտաքին քաղաքականության հարցերի գծով քարտուղար Զարուհի Փոստանջյանը հանդիպեցին Հայաստան ժամանած՝ Նիդեռլանդների Ներկայացուցիչների պալատի անդամ, Հանուն ազատության եւ ժողովրդավարության ժողովրդական կուսակցության անդամ պարոն Մարկ Վերհեյջենի, Խորհրդարանում օգնական Ջերոեն Բեննինգի եւ Հանուն ազատության ու ժողովրդավարության ժողովրդական կուսակցության միջազգային հարցերի պատասխանատու Ութեր Շրոերի հետ:

Կողմերը քննարկեցին փոխադարձ հետաքրքրություն ներկայացնող ներքին եւ արտաքին քաղաքական հարցեր, այդ թվում՝ իրադրությունը տարածաշրջանում:

8 հուլիսի 2014թ., Երեւան: Այսօր Ռազմավարական եւ ազգային հետազոտությունների հայկական կենտրոնի (ՌԱՀՀԿ) հիմնադիր եւ «Ժառանգություն» կուսակցության նախագահ Րաֆֆի Հովհաննիսյանը հանդիպում ունեցավ Հայաստան ժամանած՝ Հոլանդիայի արտաքին գործերի նախարարության Եվրոպայի եւ Արեւելյան գործընկերության հատուկ ներկայացուցիչ, դեսպան Դիրկ Յան Կոպին՝ նրա գլխավորած պատվիրակությամբ հանդերձ:

Կողմերը քննարկեցին փոխադարձ հետաքրքրություն ներկայացնող ներքին եւ արտաքին քաղաքական հարցեր, այդ թվում՝ իրադրությունը տարածաշրջանում:

Հանդիպմանը ներկա էին «Ժառանգություն» կուսակցության արտաքին հարցերի գծով գլխավոր քարտուղար Զարուհի Փոստանջյանը եւ մամուլի քարտուղար Դավիթ Սանասարյանը: