Երեւան: «Ժառանգություն» կուսակցությունը ս․թ․ մարտի 10-ին քաղաքական խորհրդի ընդլայնված կազմով հատուկ նիստ էր հրավիրել:
Նիստին մասնակցում էին նաեւ Հայաստանի տարբեր մարզերից մայրաքաղաք ժամանած շուրջ յոթանասունհինգ պատվիրակներ: Օրակարգում ներհայաստանյան արդի իրավիճակի հրատապ հարցերն էին, ինչպես նաեւ տարածաշրջանային ու միջազգային ռազմավարական զարգացումները:
«Ժառանգություն» կուսակցության հիմնադիր եւ քաղխորհրդի ղեկավար Րաֆֆի Հովհաննիսյանի նախագահությամբ խորհուրդը քննարկեց եւ որոշեց կուսակցության ընթացիկ տարվա հայեցակարգային եւ գործառնական ճանապարհային քարտեզը:
