Րաֆֆի Հովհաննիսյանի նամակը ICAPP համանախագահներին
- Մանրամասները
Երեւան: Ասիայի քաղաքական կուսակցությունների միջազգային կոնֆերանսի (ICAPP) 7-րդ Գլխավոր ասամբլեայում ընդունված՝ «Բաքվի հռչակագրի» կապակցությամբ սույն թվականի նոյեմբերի 25-ին «Ժառանգություն» կուսակցության նախագահի կողմից պաշտոնական բողոքի նամակ է ուղարկվել ICAPP համանախագահներ Խոսե դե Վենեցիային եւ Չունգ Իու-Յոնգին, կազմակերպության քարտուղարությանը, նաեւ Ասամբլեայի մասնակից պատվիրակներին` ի գիտություն:
Րաֆֆի Հովհաննիսյանը Բաքվում
- Մանրամասները
Հայտարարում է Լեռնային Ղարաբաղի ինքնիշխանության եւ ամբողջականության մասին
Երեւան: «Ժառանգություն» կուսակցության նախագահ, ՀՀ առաջին արտգործնախարար Րաֆֆի Կ. Հովհաննիսյանը վերադարձավ Բաքվից, որտեղ նոյեմբերի 21-24-ը մասնակցում էր Ասիական քաղաքական կուսակցությունների միջազգային կոնֆերանսի 7-րդ Գլխավոր ասամբլեայի աշխատանքներին: Համաժողովին մասնակցում էին Ասիայի 25 երկրների 60 քաղաքական կուսակցությունների 250 պատվիրակներ, ինչպես նաեւ հյուրընկալող երկրի գործիչներ:
Րաֆֆի Հովհաննիսյանը՝ Բաքվում. «Հուսով եմ, որ կկարողանանք հասնել խաղաղության և վերականգնել հարաբերությունները»
- Մանրամասները
«Ժառանգություն» կուսակցության հիմնադիր և առաջնորդ, Հայաստանի Հանրապետության նախկին արտգործնախարար Րաֆֆի Հովհաննիսյանը, Ադրբեջանի մայրաքաղաք Բաքվում լրագրողների հետ հանդիպման ընթացքում, անդրադառնալով Լեռնային Ղարաբաղի հակամարտության կարգավորմանը, հույս է հայտնել, որ հակամարտության կողմերը կկարողանան հասնել խաղաղության և վերականգնել հարաբերությունները:
Րաֆֆի Հովհաննիսյանը ցավակցում է
- Մանրամասները
Ֆլորա Մարտիրոսյանի ընտանիքին
Երեւան, Հայաստանի Հանրապետություն
Խորապես վշտացած եմ Հայաստանի ժողովրդական արտիստ, սիրված երգչուհի եւ հասարակական գործիչ Ֆլորա Մարտիրոսյանի անժամանակ մահվան գույժից: Նա գնաց՝ խառնվելու անմահությանը՝ թողնելով մեզ ժողովրդական եւ գուսանական երգարվեստի հրաշալի նմուշների իր անզուգական վերծանումները: Գնաց ազգի «Դլե յամանի», «Ադանայի», մեր մխացող ցավի ու կարոտի անգերազանցելի թարգմանը: Գնաց՝ ճմլելով համայն հայոց սրտերը, ինչի կապակցությամբ ցավակցություններս եմ հայտնում անմահ երգչուհու եւ մեծ հայուհու հարազատներին, գործընկերներին ու նրա հոգեպարար ձայնի բազմահազար երկրպագուներին:
Անչափելի է Ֆլորա Մարտիրոսյանի ավանդը ե՛ւ մեր մշակույթում, ե՛ւ հայանպաստ նախաձեռնություններում: Նրա անունն ու գործը մնայուն ժառանգություն են:
Աստված հոգին լուսավորի եւ օրհնյալ լինի նրա հիշատակը:
Վշտակցաբար`
Րաֆֆի Կ. Հովհաննիսյան
