«Ժառանգություն» կուսակցության հայտարարությունը ՏԻՄ ընտրությունների վերաբերյալ

Անառարկելի փաստ է այն, որ 1995-ից սկսված Հայաստանի Հանրապետությունում բոլոր համապետական եւ ՏԻՄ ընտրությունները, սակավաթիվ բացառություններով, կեղծվում են օրվա գործող իշխանությունների կողմից: Սակայն «Ժառանգությունը», լինելով մասնակցային ուժ, 2002թ.-ին իր հիմնադրումից ի վեր մշտապես օգտագործել է իշխանությունների ապօրինություններին դիմադրության ցանկացած հարթակ եւ հնարավորություն, այդ թվում ընտրությունները՝ հասնելու համար ժողովրդի կամարտահայտության գրանցմանը՝ սահմանադրության առաջին եւ երկրորդ հիմնարար կետերի իրացման նպատակով:

«Ժառանգությունը» շնորհավորում է Արցախի Հանրապետությանը

Արցախը կամ Լեռնային Ղարաբաղի Հանրապետությունը՝ որպես ազգային պետություն, ասպարեզ իջավ 25 տարի առաջ: Դա կայացած փաստ է, եւ մենք հպարտ ենք դրա համար: Ողջունում ենք հոբելյանը եւ վերստին պնդում, որ Արցախը պետք է ճանաչվի Հայաստանի եւ միջազգային հանրության կողմից:

2 սեպտեմբերի 2016
Երեւան

«Ժառանգությունը» ողջյունում, դատապարտում, ցավակցություն է հայտնում

Երեւան, 25 օգոստոսի 2016թ.: «Ժառանգություն» կուսակցությունը ողջունում է իր առաջնորդներ՝ Արմեն Մարտիրոսյանի, Դավիթ Սանասարյանի եւ Հովսեփ Խուրշուդյանի այս շաբաթ մինչդատական ազատ արձակելու փաստը: Այդուհանդերձ, պետք է նշել է, որ ակտիվիստ Անդրիաս Ղուկասյանը շարունակում է մնալ ճաղերի հետեւում:

25 օգոստոսի 2016թ., Երեւան: «Ժառանգույթուն» կուսակցության առաջնորդ Րաֆֆի Կ. Հովհաննիսյանը եւ Եվրոպայի պառլամենտի անդամ, ՀՀ պատվավոր հյուպատոսը Լյուքսեմբուրգում՝ Ֆրանկ Էնգելը, այսօր հանդիպեցին Երեւանում: Նրանք քննարկեցին Հայաստանում եւ Արցախում տիրող ներկա իրավիճակը, ինչպես նաև Եվրոպա-Հայաստան հարաբերությունները:

«Ժառանգություն» կուսակցության հայտարարություն

Մինչ Հայաստանի քաղաքական կուսակցությունները պատրաստվում են 2017-ի գարնանը նախատեսված խորհրդարանական ընտրություններին, ԱԺ երկու գումարումներին  խորհրդարանում Հայաստանի ընդդիմությունը ներկայացրած «Ժառանգություն» կուսակցությունը վերածվել է իշխանական հարձակումների առանձնակի թիրախի: «Ժառանգության» վարչության փոխնախագահ Արմեն Մարտիրոսյանը, մամլո խոսնակ Դավիթ Սանասարյանը եւ քաղհասարակության հետ կապերի պատասխանատու Հովսեփ Խուրշուդյանը մնում են անազատության մեջ` սպասելով դատավարության, որտեղ զանգվածային անկարգություններ հրահրելու շինծու եւ անհիմն մեղադրանքներով նրանց կարող են դատապարտել 4-10 տարի պատժաչափերով ազատազրկման: