Armen MartirosyanԾնվել է 1973թ. սեպտեմբերի 30-ին Երեւանում:
1994թ. ավարտել է Ֆիզիկական կուլտուրայի հայկական պետական ինստիտուտի մենամարտության ֆակուլտետը: Ձյուդոյի մարզիչ, ֆիզկուլտուրայի ուսուցիչ, մանկավարժական գիտությունների թեկնածու, ավագ դասախոս:
1994-1995թթ. ծառայել է ՀՀ զինված ուժերում:
1995-2001թթ.` աշխատել է Ֆիզիկական կուլտուրայի հայկական պետական ինստիտուտում` որպես դասախոս, 2001-2007թթ.` ասիստենտ (ավագ դասախոս), 2002-2004թթ.` Արտաքին կապերի բաժնի վարիչ:
20 գիտական հոդվածների, թեզիսների եւ ուսումնական ձեռնարկի հեղինակ է:
2007թ. մայիսի 12-ին Ազգային ժողովի պատգամավոր է ընտրվել համամասնական ընտրակարգով «Ժառանգություն» կուսակցությունից: «Ժառանգություն» կուսակցության վարչության անդամ:

Ամուսնացած է, ունի երկու երեխա: